ANG MATSING AT ANG PAGONG
Isang araw, habang naglalakad sina Pagong at Matsing sa Cubao ay nakakita sila ng puno ng saging na nahugot sa kanyang pagkakatanim dahil sa nagdaang bagyo. Pinaghatian nilang dalawa ang puno. Dahil magulang si Matsing ang kinuha niyang bahagi ay yaong bandang itaas. Nakita niya siguro na mas magandang tingnan iyon. Ang totoo, mas maganda ang napuntang bahagi kay pagong dahil ito ang may ugat, kahit pangit pa itong tingnan at maputik. Hehe, tuso man ang matsing napaglalalangan din. May pagka-imbecile itong si Matsing, hindi man lang inisip na hindi na tutubo ang kanyang bahagi dahil walang ugat.
Kaya ayun, makalipas ang ilang linggo e namatay agad ang bahaging iyon ng puno na tinanim ni Matsing. Samantalang ang bahagi ng puno ni Pagong ay nabuhay, lumago, at nagkabunga. Imbecile nga kasi si Matsing.
Matalino din naman pala si Pagong. Napakagaling niya magtago (sa katunayan mas magaling lang ng kaunti si Gringo Honasan sa pagtatago). Biruin mong magtago sa loob ng bao ng niyog? Kaya hindi tuloy siya nakita ng sumisingasing sa galit na si Matsing. Sa pagod sa kahahanap ay napaupo itong si Matsing dun mismo sa bao ng niyog na pinagtataguan ni Pagong. Mula sa butas ng niyog ay kinagat ni Pagong ang buntot ni Matsing at napasigaw si Matsing sa ubod ng sakit. "Arekupuuuuu!!!!" ang hiyaw ni Matsing, "Ang sakit nun ah para akong kinagat ng pagong!"
"Naku ang gusto ko ay dikdikin mo na lang ako, dahil takut na takot ako sa tubig e!" ang wika ni Pagong na halos ay mangilid ang luha at maaaring manalo pa ng best actor sa Famas sa pag-arte. "Hindi mo lang alam e ipinaglihi ako ng nanay ko sa pusa kaya mamamatay ako sa tubig huhuhu!" ang panangis pa nito.
"Ahah" ang sagot niMatsing "takot ka pala sa tubig ha? Kung gayon ay ihahagis na kita sa ilog hahahah!"
At inihagis niya si Pagong sa ilog at doon ay inasar pa siya ni Pagong "Belat! Sige, babu, punta na ko sa Malibu!"
Talagang imbecile si Matsing.
